تجربة فتاة سعوديه للجوء في بريطانيا
مرسل: 08/06/2019 2:10 am
اهلا كيفكم
حبيت انقل تجربتي حتى لو مافيها اضافات كثير على تجارب اللي قبلي لكن ادري كبنت كيف كان شعوري لما كنت بالسعوديه وكنت اخطط للهرب وابحث عن تجارب البنات بالذات لان وضع البنت اصعب وكلما شفتي تجارب لبنات كثير تقدرين تتشجعين اكثر وتدرسين خطواتك
مالكم بالطويله بالنسبه للجواز والتصريح يعتمد عليك وعلى ظروفك ماقدر اقولك كيف تسوينهم وفيه مواضيع خاصه بهالشي، اما الفيزا السياحيه البريطانيه فهي من اسهل الفيز لانهم بس طلبو تعبئة الابلكيشن اون لاين وتدفع وتحجز موعد ويرسلون لك اوراق تطبعها معاك وتروح لموعد التبصيم مع جوازك ويجي القبول سريع بالنسبه لي طلعت فيزا سوبر اللي تخلص خلال ٢٤ ساعه لان كنت حايمه كبدي من حياتي وابي اطلع باقرب فرصه وطرت على طول على اقرب رحله خخخ، وفيه انواع ثانيه من ضمنها الفي اي بي تطلع خلال اسبوع.
سويت تشك ان من مطار الرياض على الترانزيت اللي هي ايطاليا وعلى لندن مره وحده، واحذروووو تاخذون ترانزيت لدول سيئه مثل الدول العربيه خصوصا البنات اذا اهلك بيلاحظون غيابك بسرعه ويبلغون عنك، واول ماوصلت مطار لندن كنت مرتبكه وجلست اخذ نفس مارحت للكاونتر بس لاحظو علي ونادوني من بعيد كانهم عارفين وراي مصيبه خخخخ ولما قلت بطلب لجوء جلسو يقولون مين اللي قالك تطلبين لجوء اكيد لانك ماحجزتي فندق تبين نعطيك سكن وترى بنحطك بالحبس ونفتشك وووووو... وجلسو يخوفوني بس كله شي روتيني عشان يختبروني اذا ماعندي سالفه. اخذوني وبصموني وصوروني وكان اللي يبصم يقول انت مو اول بنت سعوديه تجي هالفتره لهالدرجه السعوديه سيئه؟ وكاني ماصدقت احد يسالني خخخخخخ قعدت ابكي وافضفض له عن وضع البنات بالسعوديه وجلس يطمني انه كله بيكون تمام واني في امان مادام وصلت بريطانيا ومحد بيقدر ياذيني، وبصراحه كلهم كانو متعاطفين وبنفس الوقت مصدومين من اللي كنت اقوله عن السعوديه، سويت المقابله المبدئيه وشرحت مسوغاتي وقالولي تقدرين تضيفين عليها وترسلينها خلال فتره اظن ٢٠ يوم مااتذكر بس انصح الكل انه يفكر في مسوغاته كويس وياخذ فتره كافيه يعدل عليها ويرسلها لهم ، جلست بالحبس تقريبا يوم ونص وفتشوني اذا معاي فلوس طبعا غلطتي ماخبيت بطاقاتي البنكيه ف قالولي اذا خلصتي المبلغ اللي بحسابك تعالي نعطيك سكن، بعد شهر وشي خلصت فلوسي وعبيت ابلكيشن اون لاين اني مفلسه لكن ماانتظرتهم يكلموني رحت انا بنفسي للهوستل ومعاي شناطي وكل اغراضي كانه عفش مطلقه خخخ وقلت لهم انا هوملس ماعندي مكان انام فيه، عبيت ورقة دخولي وعطوني مفتاح الغرفه وسكنت بالهوستل، سمعت تجارب كثير لناس جلسو ينتظرون السكن مده طويه الين وافقو يعطونهم لكن اللي حصل معي اني حطيتهم امام الامر الواقع وضبطت معي يمكن ماتضبط مع غيري، وبعد ماسكنت يمكن ب٣ اسابيع كلموني اجيب فواتير واثباتات وين صرفت الفلوس وكنت مجهزتها وعطيتهم اياها، فلاحظو لو انتظرتهم يكلموني كان انتظرت ٣ اسابيع رد وبعدها فتره الين يوافقون، جلست بالهوستل ٢٠ يوم واعطوني بعدها سكن في بيت مشترك، وحتى لما سكنت بالبيت المشترك ارسلولي بعدها باسبوعين انهم وافقو يعطوني سكن!! يعني قراراتهم متاخره والافضل اني رحت بنفسي وماانتظرتهم.
بعد ست شهور جاني موعد المقابله، طبعا ارسلولي قبل الموعد باسبوع ف لازم تكون متفق مع المحامي ومجهز اقوالك ومسوغاتك وقصتك كامله ومتدرب عليها، اسئلة المقابله تختلف على حسب مسوغاتك بس سالوني اسئله عامه عن النظام في السعوديه وطريقة حياتي واسبابي وايش الخطر اللي بيلحقني لو رجعت للسعوديه وسالوني كثير عن الاسلام اركان الاسلام والايمان وكيف الصيام والصلاة والفرق بين السنه والشيعه ومن هالقبيل ! وكانو جدا استفزازيين بالاسئله يحاولون يعرفون اذا تكذب او لا فحاول اجوبتك تكون دبلوماسيه ولا تنفعل، ويسالونك نفس السؤال ٣-٤ مرات بس بصيغه مختلفه ويقارنون اجوبتك ف لازم تكون صااااااادق بكل شي تقوله واصلا مانحتاج نكذب اذا انت فعلا حياتك كانت في خطر تقدر تقول اللي حصل معك والوضع اللي كنت تعاني منه وخلاص، الغلط اللي احس سويته اني كنت استرسل بالكلام يعني سؤال جوابه ايه او لا انا اقعد اسولف واسولف واسولف حتى زبدو لي قالو لاتكثرين كلام جاوبي ع قدر السؤال ف صارو يحجرون لي بالكلام كثير ويدخلون بتفاصيل اكثر مالها دخل بالموضوع، وفيه ملاحظه عن المترجمين انهم مايوصلون الكلام زي ماانقال وهالشي عانيت منه لاني افهم انقلش بس ماقدر اكون جمل طويله ف كانو يخبصون بالكلام واجلس اصحح لهم، بعدها اعطوني نسخه ورقيه وصوتيه من المقابله وعندك ٥ ايام تجلس مع المحامي وتضيف على اقوالك وترسلها لهم، وارجع اقول لازم تفكر وتراجع اقوالك اذا تبي تعدل عليها لان هالشي يفيدك كثير.
بالبدايه بتحس بالوحده والغربه لكن راح تكون صداقات في مجتمعك الجديد وتحس بالطاقه والايجابيه بعيد عن ارض السعوديه اللي ماتجيب لك الا العقد النفسيه، وحاول ماتجلس لحالك وتفكر وتكتئب حاول تمارس اي نشاطات وتختلط بالناس ومو عيب اذا احتجت تدخل من طبيب نفسي، كلنا جانا الهم والضيم من عيشتنا البائسه بالسعوديه، اول الاشهر كانت تجيني كوابيس اني رجعت للسعوديه لكن راحت مع الوقت، من اول ماوصلت كنت لما اجلس بالبيت يوم واحد بس اجلس اقضيها اغاني حزن وبكي خخخخخخخ وحتى كم مره رحت للطوارئ منهاره نفسيا وبس ابكي اقول ماابي ارجع السعوديه بس سيطرت عالوضع وصرت ماروح البيت الا للنوم بس عشان ماافكر
وفيه نصيحه حابه اقولها انتبهوووووو تختلطون بالمبتعثين والمبتعثات الخليجيين والسعوديين خصوصا لان ماوراهم الا وجع الراس ويجلسون يلاحقون وراك وانا حصلي ان شخص من السفاره كان يلاحقني ويلاحق اللاجئات السعوديات اللي اعرفهم، حرفيا كان مزززعج اي مكان اروح له كان يجي وراي ويحاول يقنعني انه معجب ومن هالكلام، ويسوي هالشي مع كل اللاجئات، ومبتعث ومبتعثه سعوديين هددو بنت اعرفها انهم ارسلو عنوانها للسفاره وانها بتتعرض للملاحقه، فمهما كنتي او كنت حريص راح يحاولون ياذونك، طبعا مايقدر يلمس شعره منك لانك تحت حماية بريطانيا لكن ابعد عن الشر وغنيلو
وبالنسبه للبنات اللي متخوفين من اهلهم وخايفين على مشاعرهم والله حاسه فيكم وتعبت كثير قبل اهرب انو راح ينجلطون او راح يتبرون منهم الناس او ان خواتك بيتعنفون اكثر، مع انهم ماعطوني حياة امنه وكريمه عشان اكمل حياتي عندهم، وهم اللي حدوني اسافر واتغرب واتخلى عن وظيفتي ومسقبلي اللي تعبت وانا ابنيه واضطر ابدا من الصفر لكن ماحد راح يموت اذا هاجرتي وتركتيهم وراح يتعايشون مع الموضوع
وبس اتمنى انكم استفدتو واضفت شي جديد واعذروني على الاطاله وكثرة الهرج
حبيت انقل تجربتي حتى لو مافيها اضافات كثير على تجارب اللي قبلي لكن ادري كبنت كيف كان شعوري لما كنت بالسعوديه وكنت اخطط للهرب وابحث عن تجارب البنات بالذات لان وضع البنت اصعب وكلما شفتي تجارب لبنات كثير تقدرين تتشجعين اكثر وتدرسين خطواتك
مالكم بالطويله بالنسبه للجواز والتصريح يعتمد عليك وعلى ظروفك ماقدر اقولك كيف تسوينهم وفيه مواضيع خاصه بهالشي، اما الفيزا السياحيه البريطانيه فهي من اسهل الفيز لانهم بس طلبو تعبئة الابلكيشن اون لاين وتدفع وتحجز موعد ويرسلون لك اوراق تطبعها معاك وتروح لموعد التبصيم مع جوازك ويجي القبول سريع بالنسبه لي طلعت فيزا سوبر اللي تخلص خلال ٢٤ ساعه لان كنت حايمه كبدي من حياتي وابي اطلع باقرب فرصه وطرت على طول على اقرب رحله خخخ، وفيه انواع ثانيه من ضمنها الفي اي بي تطلع خلال اسبوع.
سويت تشك ان من مطار الرياض على الترانزيت اللي هي ايطاليا وعلى لندن مره وحده، واحذروووو تاخذون ترانزيت لدول سيئه مثل الدول العربيه خصوصا البنات اذا اهلك بيلاحظون غيابك بسرعه ويبلغون عنك، واول ماوصلت مطار لندن كنت مرتبكه وجلست اخذ نفس مارحت للكاونتر بس لاحظو علي ونادوني من بعيد كانهم عارفين وراي مصيبه خخخخ ولما قلت بطلب لجوء جلسو يقولون مين اللي قالك تطلبين لجوء اكيد لانك ماحجزتي فندق تبين نعطيك سكن وترى بنحطك بالحبس ونفتشك وووووو... وجلسو يخوفوني بس كله شي روتيني عشان يختبروني اذا ماعندي سالفه. اخذوني وبصموني وصوروني وكان اللي يبصم يقول انت مو اول بنت سعوديه تجي هالفتره لهالدرجه السعوديه سيئه؟ وكاني ماصدقت احد يسالني خخخخخخ قعدت ابكي وافضفض له عن وضع البنات بالسعوديه وجلس يطمني انه كله بيكون تمام واني في امان مادام وصلت بريطانيا ومحد بيقدر ياذيني، وبصراحه كلهم كانو متعاطفين وبنفس الوقت مصدومين من اللي كنت اقوله عن السعوديه، سويت المقابله المبدئيه وشرحت مسوغاتي وقالولي تقدرين تضيفين عليها وترسلينها خلال فتره اظن ٢٠ يوم مااتذكر بس انصح الكل انه يفكر في مسوغاته كويس وياخذ فتره كافيه يعدل عليها ويرسلها لهم ، جلست بالحبس تقريبا يوم ونص وفتشوني اذا معاي فلوس طبعا غلطتي ماخبيت بطاقاتي البنكيه ف قالولي اذا خلصتي المبلغ اللي بحسابك تعالي نعطيك سكن، بعد شهر وشي خلصت فلوسي وعبيت ابلكيشن اون لاين اني مفلسه لكن ماانتظرتهم يكلموني رحت انا بنفسي للهوستل ومعاي شناطي وكل اغراضي كانه عفش مطلقه خخخ وقلت لهم انا هوملس ماعندي مكان انام فيه، عبيت ورقة دخولي وعطوني مفتاح الغرفه وسكنت بالهوستل، سمعت تجارب كثير لناس جلسو ينتظرون السكن مده طويه الين وافقو يعطونهم لكن اللي حصل معي اني حطيتهم امام الامر الواقع وضبطت معي يمكن ماتضبط مع غيري، وبعد ماسكنت يمكن ب٣ اسابيع كلموني اجيب فواتير واثباتات وين صرفت الفلوس وكنت مجهزتها وعطيتهم اياها، فلاحظو لو انتظرتهم يكلموني كان انتظرت ٣ اسابيع رد وبعدها فتره الين يوافقون، جلست بالهوستل ٢٠ يوم واعطوني بعدها سكن في بيت مشترك، وحتى لما سكنت بالبيت المشترك ارسلولي بعدها باسبوعين انهم وافقو يعطوني سكن!! يعني قراراتهم متاخره والافضل اني رحت بنفسي وماانتظرتهم.
بعد ست شهور جاني موعد المقابله، طبعا ارسلولي قبل الموعد باسبوع ف لازم تكون متفق مع المحامي ومجهز اقوالك ومسوغاتك وقصتك كامله ومتدرب عليها، اسئلة المقابله تختلف على حسب مسوغاتك بس سالوني اسئله عامه عن النظام في السعوديه وطريقة حياتي واسبابي وايش الخطر اللي بيلحقني لو رجعت للسعوديه وسالوني كثير عن الاسلام اركان الاسلام والايمان وكيف الصيام والصلاة والفرق بين السنه والشيعه ومن هالقبيل ! وكانو جدا استفزازيين بالاسئله يحاولون يعرفون اذا تكذب او لا فحاول اجوبتك تكون دبلوماسيه ولا تنفعل، ويسالونك نفس السؤال ٣-٤ مرات بس بصيغه مختلفه ويقارنون اجوبتك ف لازم تكون صااااااادق بكل شي تقوله واصلا مانحتاج نكذب اذا انت فعلا حياتك كانت في خطر تقدر تقول اللي حصل معك والوضع اللي كنت تعاني منه وخلاص، الغلط اللي احس سويته اني كنت استرسل بالكلام يعني سؤال جوابه ايه او لا انا اقعد اسولف واسولف واسولف حتى زبدو لي قالو لاتكثرين كلام جاوبي ع قدر السؤال ف صارو يحجرون لي بالكلام كثير ويدخلون بتفاصيل اكثر مالها دخل بالموضوع، وفيه ملاحظه عن المترجمين انهم مايوصلون الكلام زي ماانقال وهالشي عانيت منه لاني افهم انقلش بس ماقدر اكون جمل طويله ف كانو يخبصون بالكلام واجلس اصحح لهم، بعدها اعطوني نسخه ورقيه وصوتيه من المقابله وعندك ٥ ايام تجلس مع المحامي وتضيف على اقوالك وترسلها لهم، وارجع اقول لازم تفكر وتراجع اقوالك اذا تبي تعدل عليها لان هالشي يفيدك كثير.
بالبدايه بتحس بالوحده والغربه لكن راح تكون صداقات في مجتمعك الجديد وتحس بالطاقه والايجابيه بعيد عن ارض السعوديه اللي ماتجيب لك الا العقد النفسيه، وحاول ماتجلس لحالك وتفكر وتكتئب حاول تمارس اي نشاطات وتختلط بالناس ومو عيب اذا احتجت تدخل من طبيب نفسي، كلنا جانا الهم والضيم من عيشتنا البائسه بالسعوديه، اول الاشهر كانت تجيني كوابيس اني رجعت للسعوديه لكن راحت مع الوقت، من اول ماوصلت كنت لما اجلس بالبيت يوم واحد بس اجلس اقضيها اغاني حزن وبكي خخخخخخخ وحتى كم مره رحت للطوارئ منهاره نفسيا وبس ابكي اقول ماابي ارجع السعوديه بس سيطرت عالوضع وصرت ماروح البيت الا للنوم بس عشان ماافكر
وفيه نصيحه حابه اقولها انتبهوووووو تختلطون بالمبتعثين والمبتعثات الخليجيين والسعوديين خصوصا لان ماوراهم الا وجع الراس ويجلسون يلاحقون وراك وانا حصلي ان شخص من السفاره كان يلاحقني ويلاحق اللاجئات السعوديات اللي اعرفهم، حرفيا كان مزززعج اي مكان اروح له كان يجي وراي ويحاول يقنعني انه معجب ومن هالكلام، ويسوي هالشي مع كل اللاجئات، ومبتعث ومبتعثه سعوديين هددو بنت اعرفها انهم ارسلو عنوانها للسفاره وانها بتتعرض للملاحقه، فمهما كنتي او كنت حريص راح يحاولون ياذونك، طبعا مايقدر يلمس شعره منك لانك تحت حماية بريطانيا لكن ابعد عن الشر وغنيلو
وبالنسبه للبنات اللي متخوفين من اهلهم وخايفين على مشاعرهم والله حاسه فيكم وتعبت كثير قبل اهرب انو راح ينجلطون او راح يتبرون منهم الناس او ان خواتك بيتعنفون اكثر، مع انهم ماعطوني حياة امنه وكريمه عشان اكمل حياتي عندهم، وهم اللي حدوني اسافر واتغرب واتخلى عن وظيفتي ومسقبلي اللي تعبت وانا ابنيه واضطر ابدا من الصفر لكن ماحد راح يموت اذا هاجرتي وتركتيهم وراح يتعايشون مع الموضوع
وبس اتمنى انكم استفدتو واضفت شي جديد واعذروني على الاطاله وكثرة الهرج